Borga 45% af rest

 

Það að bankinn þessir 11 milljarðar skulu ekki vera greiddir fyrir bankann nú þegar er náttúrulega skandall.  Miðað við hvað þetta Landsbankamál er búið að kosta okkur, þá má ekkert gefa eftir.  Þeir fengu bankann á silfurfati og á gjafverði og annað eins eru þeir búinir að taka út úr bankanum á þessum tíma.  Það væri gaman að slá þeim tölum saman.   Voru ekki teknir út 5 milljarðar rétt fyrir hrun?

Varar við borgarastyrjöld

Milljarða skuldbindingar

 

Það er ljóst að það voru ekki eingöngu íslenskir stjórnmálamenn sem panikkuðu heldur einnig Englendingar og Hollendingar þegar bankarnir hrundu.  Það var stór skaði að Englendingar frystu eignir Kaupthings í London sem eyðilagði möguleika Kauptings til að starfa áfram þrátt fyrir 500 milljarða lán frá Seðlabankanum.  Það var líka byrjað áhlaup á bankann og óljóst hvort hann hefði staðist það.  Það að allir bankarnir hrundu er mikill skaði fyrir Ísland og það mun taka langan tíma að vinna okkur upp úr þessu feni.

Gordon sagði að frystingin hefði tilkomið vegna óeðlilegra fjármagnsflutninga frá Singer & Frieland til Íslands. Átti það síðan ekki við rök að styðjast.  Heldur fékk bankinn 500 milljarða að láni með veði í FIH. 

Ég er þakklát fyrir frammistöðu Indefence hópsins, því án hans væri margt á huldu ennþá, þar sem ekki hefur verið staðið við yfirlýsingar um gagnsæi.

Einar Már talaði snilldarlega fyrir hönd þjóðarinnar í gærkveldi og held ég að Steingrímur hafi verið fáorður eftir þann málflutning.  

Það þarf að sækja þá fjármuni sem sem þarf til að greiða Icesave til réttra aðila.  Við þjóðin berum ekki ábyrð á þessu Icesave máli.  Mér finnst líka skrýtið af hverju Englendingar og Hollendingar taka ekki yfir eignir LÍ upp í skuld, ef þeir vilja ekki eignirnar upp í skuld þá er eitthvað bogið við þær. Ekki ætlum við að skuldbinda okkur að greiða óútfyllta ávísun, það er ekki hægt að bjóða okkur upp á það.  Lánstíminn er of stuttur og vextirnir of háir miðað við það sem Seðlabankar í Evrópu eru að bjóða.   

Íslensku bankastjórarnir fengu greiddar milljónir fyrir að taka ábyrgð, einnig er búið að moka út arðgreiðslum úr fyrirtækjum sem áttu ekki fyrir því.  Þetta þarf að leiðrétta og sækja fjármunina aftur til þeirra aðila sem stýrðu þessum gjörningum.  Eitthvað af þessum gjörningum hlýtur að tengjast LÍ og þar með Icesave og það þarf að kortleggja þá og sækja systematiskt og nota til að greiða skuldir Icesave.  Hagnaður einkavæddur = Tap einkavætt 

Það kom líka fram áhugaverður punktur frá Elviru Mendez:

Elvira hefur borið saman Icesave-samninginn og samninga Evrópusambandsins undanfarin ár, en sambandið hefur veitt ríkjum í efnahagsþrengingum, jafnt innan sambandsins sem og utan þess, lánafyrirgreiðslu. Í þeim samningum hafi vextir verið um 3,5% en vextir á Icesave lánunum eru 5,5%.

Einnig kom fram hugmynd frá Tryggva Þór að við myndum alltaf borga 1% af þjóðaframleiðslu sem er eðlilegt miðað við smæð þjóðarinnar og vandanum sem að steðjar. 

Það er hið undarlegast mál að við eigum að standa undir þessum greiðslum á þennan hátt.  Það hefur ekki verið litið til allra þátta.  Þetta er eins og nauðungarsamningur þar sem skuldari er uppá lánveitanda kominn, og sá getur innheimt skuldina að vild eftir því hvernig forsendur hann gefur sér.   Þetta þykja kröpp kjör og óeðlileg þar sem vitað er að fleiri lönd eiga við sama vandamál að stríða og við "gjaldþrot banka" nema það eru stærri þjóðir.  

Það er líka ljóst að það er auðlindaþurrð í ESB og þeir þurfa að ná sér í tækifæri annarsstaðar. Ekkert skrítið að Frakklandsforseti útnefni mann á Norðurpólinn,  þeir eru að tryggja sér aðild að landsvæðinu/ísnum.

Þessi kröppu kjör sem okkur eru boðin eru greinilega í því fólgin að það eigi að stilla okkur upp við vegg og ef við getum ekki borgað þá þarf að láta eitthvað í staðinn.  Ég sé þetta ekki á annan hátt.  Þá þurfum við að fara að semja um greiðslu með einhverju öðru og hvað ætli það sé?????

Hvað höfum við sem þeir hafa ekki?  

 

60-70 milljarða árleg greiðsla

Að semja af sér!

Það er svo gott að ná sameiningu um eina lausn... Vinna hana í hópi manna og enginn ber ábyrgð og núna er aðild að Evrópusambandinu lausnin.

Ef við fengjum að sjá á hvaða verði er verið að selja orkuna til útlendra álfyrirtækja.  Þá myndum við sjá svart á hvítu afrakstur þessarar vinnu sem átti að skila okkur miklum hagvexti en sem skildi okkur eftir í skuldafeni, aðhald Ríkisins og Seðlabanka brást algerlega, bankarnir nýttu sér það og dældu út peningum í samfélagið til að auka við þennsluna.  Kárahnjúkavirkjun og álver var ekki lausn.

Enginn ber ábyrgð og þeir sem sögðust vinna í okkar þágu en sömdu af sér eru farnir á biðlaun aðrir láta lítið fara fyrir sér, eða kunna ekki að skammast sín.

Þess vegna eigum við horfa með tortryggni á næstu "einu lausn" sem verið er að bjóða okkur, sem er inngangan í Evrópusambandið.

Það vita það allir að það tekur nokkur á að komast inn í Evrópusambandið. Farið að vinna heimavinnuna og laga til hér.  Þetta tal um Evrópusambandsaðild er blekkingarleikur til að dreyfa athygli fólks frá vandamálunum sem þarf að takast á við núna.

Blautir draumar Samfylkingarinnar

Við bíðum....

 

Við erum ennþá að bíða eftir aðgerðum fyrir fjölskyldur,  við erum ennþá að bíða eftir að fá vitneskju um á hvaða verði álverin fá selda orkuna,  við erum ennþá að bíða eftir því að fá að vita hvað varð um fjármunina sem hurfu úr landi... við erum ennþá að bíða eftir því að fá okkar skerf af auðlindum hafsins...  við erum ennþá að bíða eftir að fá vitneskju um hvernig á að leysa fjárlagahallann...

Nú eru 7 mánuðir síðan hrunið varð og flestir sem hjálpuðu til með því að leyna upplýsingum og styðja við ofurgírað bankakerfið eru nú á biðlaunum.  Fyrir utan þá sem notuðu tímann til að koma fjámunum undan í eignarhaldsfélög og losa sig við sjálfskuldarábyrðir..  en svo á stór hluti landsmanna á hættu að missa allt sitt af því að við vorum ekki með fingurnar í sjóðum bankanna.

Svo er sagt:  "aðstoða heimilin og koma atvinnulífinu í gang"  það er nú farið að hljóma eins og eitt alsherjar grín.

Andri sýndi úrdrátt úr grein í þýska Financial Times þar sem fram kom að sparnaður Alcoa í orkuverði af því að byggja álver á Íslandi væri 175-210 milljónir dollara á ári, sem jafngildir 20-25 milljörðum króna. Andri bar þessa fjárhæð saman við þau 300-400 ársverk sem sagt er að Alcoa á Reyðarfirði skapi og setti fram þá spurningu hvað hægt væri að skapa mörg störf fyrir 25 milljarða á ári.

Þetta sýnir að við erum að selja okkur svo ódýrt að maður skammast sín, ekki að furða að fyrrum bæjarstjóri á Egilsstöðum er núna í vinnu hjá Alcoa til að undirbúa jarðveginn á Bakka.  

Þeir græða svo mikið á þessu og eru að flýta sér að nýta alla orku svo enginn annar komist að. Meðan þeir hala inn 4-5 þúsund ársverkum í hreinum peningum þá fáum við skitin 3-400.

Þetta kallast "AÐ SEMJA AF SÉR". 

 

 

 

 

 

28.500 fjölskyldur í þrot

Við bíðum eftir leiðréttingu!

 

Þór var að tala um leiðréttingu til okkar, fjölskyldna sem lifum í landinu og 

höfum þurft að þola óheyrilega vexti til margra ára sem var handstýrt af Seðlabankanum til að vega á móti þenslu sem ríkisstjórn og bankar báru ábyrgð á.

 Nú viljum við fjölskyldur fá leiðréttingu, vegna mistaka í stjórnun peningamála landsins.

Bankarnir hafa afskrifað skuldir til fyrirtækja og með gjaldþroti gömlu bankanna minnkuðu skuldir bankanna til muna. Nú er komið að okkur.

 Við treystum á fólk í forystuhluverkum til að sinna sinni vinnu af heilindum fyrir okkur.

Í ljós kom að hylmt var yfir vandann og reynt að sópa undir teppið í lengstu lög.

Á meðan fáir sem höfðu aðgang að innherjaupplýsingum komu ár sinni fyrir borð með hinum ýmsu fjármálagerningum. Það má sjá í útlánum bankanna síðustu mánuðina. Fátt af þeim útlánum verður endurheimt.  En handhafar þess fjár hafa getað komið þeim fjármunum undan í sjóði erlendis  til að eiga örugga framtíð.

Við öll eigum rétt á öruggri framtíð, ekki bara fáir sem með skuldsettri eignaraðild fengu að taka fé að láni að vild.

 

 

 

 

 

 

 

 

Vilja afnema verðtryggingu og leiðrétta lán

46%

 

Hverjum innan bankans datt í hug að samþykkja lán til eins aðila sem samsvarar 46% af innlánum?

Krefur Tchenguiz um 35 milljarða

Jöfnuður

Það má spara heilmikið hjá spítölum landsins.

Hef aldrei skilið af hverju læknar eru á þessum löngu vöktum, þegar hægt væri að ráða inn fleiri lækna og hafa þá á skemmri vöktum til að sleppa þessu aukavaktaálagi.  Skil heldur ekki af hverju þeir mega vinna svona langar vaktir, þeir eru að vinna með fólk. 

Síðan eiga starfsmenn spítalanna rétt á námskeiðum einu sinni á ári eða tvisvar og sækja þá námskeið erlendis.  Það er bruðl.  Þetta eru fríðindi sem eru ekki til staðar fyrir alla. 

Vonandi tekur Ögmundur til hendinni.

 

Sjálfstýring verði aftengd

Draumalandið

 

Ég er svo þakklát fyrir þá vinnu sem Andri Snær leggur á sig til að bjarga landinu okkar.

Það er eins og hann hafi verið sendur úr framtíðinni til að sporna við skammsýni og barnalegri trú á stóriðju frá bandaríkjunum. 

Ég sá myndina og ef ég væri Valgerður og Geir þá færi ég ekki út úr húsi það sem eftir er.  Hagvöxturinn, þetta lausnarorð er bara plat.  Ætlum við að halda áfram að láta plata okkur, fólk sem er að hugsa um skammtíma hagsmuni sína ekki um landið til framtíðar.

Við erum núna að fara í gegnum eina verstu kreppu í manna minnum, timburmenn í boði Sjálfstæðisflokksins og Framsóknar.

Erum við svona hugmyndasnauð? Andri segir:  Fólk hefur aðgang að öllum upplýsingum heimsins, getur haft samskipti við allan heiminn en horfir í tómið og spyr: Hvað á að gera í staðinn?

 Af hverju erum við að flýta okkur svona að byggja öll þessi álver, er ekki komið nóg?   Straumsvík, Grundartangi og á Reyðarfirði af hverju þarf að nýta Helguvík og Bakka?  Þetta er hættuleg þróun og það sjá allir nema þeir sem eru að hugsa um eigin hag og skammtíma gróða á kostnað landsins og fólksins.  Það mun ekki koma neitt gott úr þessu. Smá vinna fyrir fáa en álverin ná yfirburðastöðu, nota alla orkuna okkar svo ekki verður næg orka til annars reksturs og fá hana næstum gefins. Hví þurfum við að selja okkur svona ódýrt? Það eru aðrir möguleikar í stöðunni, ef við sjáum það ekki núna, leifum næstu kynslóð að finna út úr því. 

Við munum skapa fleiri störf, en góðir hlutir gerast hægt, við getum verið staðsett hér og unnið út um allan heim. 

Fredrik Hären kom hingað 2007 og hélt fyrirlestur á Hilton um hugmyndir og sköpun.Hann bað fólk um að koma með einhverja nýja hugmynd sem enginn hafið komið með áður.  Hann skrifaði upp eftir fólki úr sal 10 atriði sem fólkið kom með. Allir voru mjög ánægðir með hugmyndaríkið hjá okkur.  Þá sýndi hann okkur lista sem var tilbúinn og á honum stóð allt það sama nema eitt atriði. Við hugsum öll það sama - verðum samdauna umhverfinu og nýtum okkur ekki alla möguleikana. Þótt við sjáum þá ekki þá eru þeir til staðar.  Enda gat hann komið með fullt af hugmyndum sem hvergi voru skráðar en sýndi okkur fram á okkar takmörkun.

Við ættum að fá hann hingað aftur til að losa um stöðnun í höfði álverssinna.

And

Lög vs gjörðir

Lögin um hámarksfjárhæð til flokkana áttu kannski bara við um hina flokkana,ekki Sjálfsstæðisflokkinn??  

Þetta sýnir okkur kjósendum í sinni tærustu mynd að eitt er sagt og annað er gert.   Þessi tvískinnungsháttur hefur einkennt fjármálaumhverfið og pólitíkina síðustu ár.

Hvenær getum við treyst því að hagsmunir þessa lands og þegna séu hafðir í fyrirrúmi??

Við sjáum í vexti bankanna, hömlulausum nýbyggingum og nýtingu náttúruauðlindanna að það var aðeins verið að hugsa um skammtíma gróða en ekki um heildstæða uppbyggingu sem skapaði verðmæti.  Allt var þetta þó gert í okkar þágu til að lífskilyrði okkar yrðu betri, ef einhver vildi kasta rýrð á þessa glansmynd þá var sá hinn sami "grýttur"

 Ég býð ennþá spennt eftir sjá hvernig við 160 þúsund sem erum að vinna á Íslandi og fyrirtækin sem eftir eru eigum að greiða skuldirnar sem ríkissjóður er búinn að koma sér í ábyrgð fyrir??

Við fáum líklega ekki að sjá neitt um það fyrr en einhvern tímann eftir kosningar.  Það getur ekki verið hagkvæmt fyrir neinn flokk að birta nokkuð um það núna.   Enda skiptir öllu máli núna að ná völdum eða halda völdum.

 

 

 

Heiður Sjálfstæðisflokksins ekki metinn til fjár

Björgun

Já álverið í Helguvík er nú orðin bjargvættur!! Hver bjó það til?? Þeir losa okkur undan jöklabréfunum og eru þá komnir með fjármögnun. Síðan bjarga þeir líka atvinnuleysinu. Hvernig fær bandaríska álfélagið Century Alminium endurgreitt fyrir alla björgunina. Borgum við í blíðu?

Eigendur jöklabréfa fjármagni álver