Fjölskyldan og heimilið

 

 

Vil ég benda á að um 39.000 eru að nota séreignasparnaðinn þar sem tekjuskerðing hefur orðið það mikil að ganga þarf á sparnaðinn sem nota átti eftir starfslok.

Um 20.000 manns eru á vanskilaskrá. 12.000 manns eru atvinnulausir. Þá eru ekki taldir með þeir einyrkjar sem eru verkefnalausir og hafa engar tekjur en geta ekki farið á atvinnuleysisbætur nema leggja niður fyrirtækið.

Seðlabankinn  var með tölur í september um að um 20.000 manns væru í vandræðum.  Það er ljóst að það eru miklu fleiri.   Það eru rúm 40.000 manns.

Vil ég minna á að fjölskyldan og heimilið er líka fyrirtæki.  Ef ytri aðstæður í þjóðfélaginu hafa eyðilagt möguleika fjölskyldunnar á að framfleyta sér þá eiga þær stofnanir sem hlut eiga að máli að laga stöðuna út frá sanngirnissjónarmiði. 

Það er verið að skipta um kennitölur á fyrirtækjum og skilja skuldir eftir í gamla fyrirtækinu og stofna nýtt og skuldlaust fyrirtæki.  Það er verið að afskrifa stórarfjárhæðir á einstaklinga og fyrirtæki sem fóru offari, þar er ekki verið að óska eftir gjaldþroti einstaklinga.

En aðrir eru látnir bíða, það er ekkert gert bara lengt í skuldunum hjá þeim sem fóru varlega og voru varkárir í fjárfestingum. Þar er ekkert afskrifað. Það vantar leiðréttinguna fyrir heimilin.  Heimilin eru líka fyrirtæki og það þarf líka að sjá til þess að þau hafi rekstrargrundvöll. 

Það er ekki hægt að demba öllum kostnaðinum af útrásinni á fólkið sem var að vinna og var varkárt í fjárfestingum á meðan aðrir voru að taka áhættur.

Tekjuskerðingin er orðin það mikil að 40.000 manns þurfa að taka út sparnaðinn sinn.  Það gerir fólk ekki fyrr en allt annað er komið í þrot.   Ég bíð eftir gengisleiðréttingu lána og vísitöluleiðréttingu.

Við höfum verið að borga okurvexti og verðbótahækkanir meðan krónan var sterk út af rangt saman settri vísitölu og óvirkri peningamálastefnu Seðlabanka .  Þá græddu bankarnir á ranglega innheimtum vöxtum og verðbótum. 

Það er búið að hækka skattana til að standa straum af röð mistaka í stjórnsýslunni. Það er lágmark að ráðherrar ríkisstjórnarinnar sem sátu hjá þegar þeir áttu að standa með þjóðinni, gefi bönkunum leyfi til að afskrifa og leiðrétta hjá fjölskyldum þetta ranglæti. 

Er vilji fyrir því að fá 40.000 manns og fjölskyldur þeirra á framfærslu ríkisins?

 

 

Ráðgjafarstofa hefur afgreitt 1.600 mál